vendredi 22 avril 2011

هايم في بلاد البهايم 3


كل يوم نزيد نحير وندوخ ونقول كما قال سي لمهف "بلادي غريبة في عالم غريب" ومعادش فهم منها حتى شي

شيخ إمام في راديوات التونسية
شارع الحبيب بورقيبة كلو تجمعيين سامحوني تجمعات
محمد الغنوشي طلع عندو كلمة وخبى راسو
منذر ثابت عرف شنوا معناها إضراب جوع
يحبوا يرودولنا بورقيبة إلاه
نهار 8 أفريل الظو مطفاش
واحد مثل في فيلم "الرسالة" شدوه في حمام سوسة يصنع في سيوف وخناجر
مهدي حواص يتحرك أكثر من الذوادي
ملي جا الفلاح للداخلية الناس بخلو بش يعملوا احزاب
وزير النقل يخدم في خدمة نار
سفيان بن حميدة مازل يتناول في حبوب الهلوسة
النهضة تحب تلم عياق التجمع
حمة الهمامي رجع للسرية...مبروك علينا
لمبدوزا ...بدون تعليق
رولا براهيم ماتخوش بالخاطر
بشار الاسد جزار
فرنسا معندهاش سلاح
زعبع مافماش ريحتوا
نبيل معلول ربح مقابلة...أخيراً
النادي الافريقي ينجم يتعدى إلى دوري المجموعات
ماتش باجة والمرسى ولا ماتش كرة سلة (4 اشواط)

وكيما العادة إلي فهم حويجة يتكلم !!!

نحب نشكر غازي الشعار إلي عاون بش هل تدوينة ترى النور

شالوم يا ناس

vendredi 15 avril 2011

في اللجنة إلي اسمها طويل ياسر

سمعت وريت وقالولي إلي هيئة تحقيق أهداف الثورة خرجولنا بمنشور فيه كيفاش بش تصير انتخبات المجلس التأسيسي ووكالة تونس إفريقيا للأنباء...خرجوا فيه إلي تم الإختيار على نظام القائمات
منخبش عليكم كي سمعت بالخبر طلعلي السكر وشديت راسي وقلت ربي تستر ملي جاي

بش نكون واضحين انا مانيش بش نعاود اناقش أعضاء اللجنة أما الخبر إلي سمعتوا بين بالكاشف إلي فما تلعب قاعد يصير وهذا كما !!!قال اكا المخلوع معندوش مبرر لا والله بش يزيد يدخل البلاد في مشاكل محجتنش بهم توا بلكل بلكل

أيا نفركوا هالرمانة المحنونة:
أول ما سمعت هل خبر قلت اكيد الاحزاب جابو المستقلين في التسلل وقلت مساكن أكلي حبوا يعاونوا من غير ماعندهم حساب والناس إلي معروفين ثقة في ربوع الجمهورية ومثقفين ورايهم صالح...النهضة والتقدمي وغيرهم جاتهم هناني بناني عندهم قائمة حاضرة ومبعد يسكتوا طرف الاحزاب الاخرين إلي حتى تونسي ميعرفهم...شخصي المتواضع مانيش ضد بش يكون سياسيين فل مجلس التأسيسي أما مش وحدهم
بلنظام هذا نهار 24 جويلية بش نعرفو شكون باش يصلوا للدورة ثانية متع الانتخابات الرئاسية ونبعدو عللي عليه العمدة ...دستور جديد

كي سمعت هل خبر خفت من حاجة أتعس ملي كنت نحكي فيه توا...مصير التجممعين
تصورتهم يعملوا قائمة في برشة بلايص ومبعد يعملوا تجمع جديد (Au propre comme au figuré) ويرجعوا نظيفين ويدخلوا كأن شيء لم يكن...أما جاني خبر إلي بش يتم اقصائهم أما منبرد كن ما يحكمهم واحد واحد ونرى فيهم نهار

أنا وأعوذ بالله من كلمة أنا نتمنى كان فما ناس يقوموا ويقول لا وألف لا قدام النظام متع الإنتخاب خاتر 24 جويلية أهم من أي إنتخابات أخرى ولازم تنجح بش نكمل إلي بديناه ملحوض المنجمي...

أيا منطولش عليكم

شالوم