إلي يسكنوا في تونس العاصمة شافوا إلي في رمضان إلي فات القصبة والمدينة العربي حافلة أكثر مل عدة وجوها يعمل 66 كيف...من مهرجان المدينة لل حفلات في كل دورا وكل نهج كيما بر الأحجار وغيروا
ليوم ساحة الحكومة وأحوازها ولات منطقة خطيرة باش تتعدى منها ولا باش تقول مشيت الغادي وتولي مع حمة الهمامي ومجلس حماية الثورة وتولي بيك وعليك وتفركس عل بلبلة وهيت من هاك اللاوي
يا ناس سيبولنا القصبة ول مدينة خاتر توا مفماش علاش باش تعتصموا فيها ...عمك السبسي قاعد يخدم اعطيوه طرف وقت خاطر هذا مش كيف الغنوشي مش بكاي ومخدمش مع بن علي 10 سنين وزيد مذل كي شد بلاستو ...ومش خاطروا لقى صحفيين على قد يدو وخطر على شنوا باش يجاوب في حوار تلفزي وخلا برشة نقاط إستفهام كما حكايات الراجحي ولو أن فهمت في كلامو إلي الوزير السابق سيب الماء عالبطيخ ولي الوزير إجديد بش يكون حازم أكثر ملي سبقوا !!!
كان حمة الهمامي قلق برشة يمشي يعمل طلة على الصين الشعبية ويشوف أخر صيحة فل شيوعية وحقوق الانسان ولا يمشي يحجم شلاغمو !!!
شخصي المتواضع جيت مع القصبة 1و2 أما المرة هذي مانيش باش نجي معكم خاطر حاجتي بلقبة فارغة لعل ترجع البطولة وزيد مل فوق إلي مازلنا معتنش الوقت للحكومة هذي كما عطيناه للغنوشي إلي بضحك ولعب ضيع علينا شهرين !!! ماهو ناس بكري قال كي تكثر مل عسل يمساط ونتومة جيتكم عزيزة ونعلم إلي فما أطر أخرى بش تنجمو إطلب بحاجة غير الإعتصام !!!
إذن عبدكم المتواضع يطالب بش تكون القصبة مكان للثقافة من ليوم زيد وربي عالم قداش من صغار يحب يفتقوا مواهبهم وكي تحتهم فالمدينة العربي والمعمار متعها تزيد تعطيهم قيمة وكمل كي يجي رمضان وجوو إلي نحبوه الكل تولي القعدة في بير لحجار بالملك...
أيا شالوم !!!
Aucun commentaire:
Enregistrer un commentaire