التونسية ،الصدى و كمل نسمة من غير منحكيو على رجوع المبيد وهلم جرا ... يا ناس زمن حرية التعبير معادش يطول
لبارح سي المتصرف القضائي فاق من النوم وخذا قرار بش يسكر قناة التونسية تجي تشوف قرار معقول كي تعرف شكون المنتج متع البرامج ....طيب الذكر سامي الفهري أما يقول القائل شبي هل متصرف توا فهم إلي هذي القناة محقهاش بدات من اصلو ولا خاطر ينبروا بالعالي عل حكومة متع الباجي
سامي الفهري سارق وقطعي هذي متفاهمين فيه أما كان غلط غلطة متصلحش بغلطة أكبر منها وحرية تعبير أهم من أن سامي الفهري سرق ...خاطر السراق الكبار عايشين في بحبوحة من العيش
صرح كبير فالإعلام التونسي دار الصباح ولا فيه زادة المقص يخدم بعد 14 جانفي وولا الشي جهار ومش مقال أما تسكر جريدة كاملة ...أهوكا حتى مصروف ينقص وتولي صابون على برا في الاذاعات وضرب ومضروب ونطيحو بالمستوى لوطا ياسر وهذا لكل علاش خاطر الحكومة المؤقتة (إلي خذات أكثر من وقتها) ميعجبهمش الكلام إلي فيها وسي المتصرف يجي كل عادة يسكر الحانوت
وختامها مسك بنسمة إلي بعد معداو فيلم برسيبوليس ولي أصحاب اللحي النيرة والعقول القويمة ماجاهمش على قياسهم وكيما جات في الافريكا توا ولات مقر نسمة مستهدف ... شي يعمل 66 كيف
ونبشر ناس الفيسبوك إلي المبيد رجع كما أيام نوفمبر ... إلي صار عليهم يعرفوا كيفاش يتجنبوه
مقص أصحاب العقول المتحجرة مينجمش يفك ورقة الحرية من يد الشعب !!!!
شالوم
Aucun commentaire:
Enregistrer un commentaire