mardi 1 janvier 2013

كلو من النيل سات


 نبداو على بركة الله بشوية برتوكول ونقلكم كل عام وأنتم حيين بخير ونشالله 2013 يكون عام مبروك على الناس لكل ولو أنو كي سمعت حسن الشارني في شمس أف أم يحكي على الأبراج وقال إلي الأبراج لكل بش يسلكوها في العام الجديد قلت واحد لازم يسايس رحو على ما يواتي 

من هايم في بلد البهايم 6 إلي هو عندو مدة ما كتبتش وقعدت ديمة نسأل في روحي كيفاش بش نرجع بحاجة من غير ما نركب على حتى حدث ومن غير ما نسب حد ولا نتكهن بالإنتخابات الجاية خاطر التكهن بها أصعب من البرموقول 

ليلة 30 ديسمبر في الليل نتفرج في الوطنية 1 في مسلسل حسابات وعقابات (هذاك حال الوحداني) شديت الكوماند وبديت نشوف في التلافز التونسية وبديت ندور...من غير ما نطول عليكم بديت بعد الوطنية 1 حطيت أختها نومرو 2 فما راعنا أن لقيت الوطنية واحد قلت بيني وبين روحي صحيح إلي ساعات تنجم تجيك دبوزة في حانة أكلي مش ولا بد أما هذا ما يمنعش ...برا نتجاوزو 
تعديت على حائط المبكى ولا قناة حنبعل وكل بلد أرطالها ...الحاصل MK وأترك فراغ 

وصلت إلى فريق الدفاع ... قناة التونسية إلي نراو فيها في سامي الفهري مشدود عندو فوق ال 100 نهار وبديت نشك إلي مع سي وزير العدل هذا قناة التونسية معادش بش تلقى فضاء بش تحت أرقام عدد النهارات إلي عداهم سامي الفهري في الحبس 
بين قوسين نحب نأكد إلي إذا مرام بن عزيزة ومحمد علي بن جمعة يسلمو رواحهم للقضاء درجة تعاطف الشعب التونسي مع سامي الفهري تنجم توصل إلى إعلان إضراب عام عير محدود ... ولكم سديد النظر 

وصلت الرحلة ووصلت إلى قناة إعتصام ما سمع به حد TV ولا الحوار التونسي وأهوكا على كيفكم ... نلقى اعتصام في مهرجان متع شعر في الجنوب التونسي خاطر لجنة التنظيم من ازلام النظام ... ويشرولي حتى لجنة التنظيم التجمعية مازالو ما سمعش به التحرك هذا  

برا نزيد لص ... وصلت ال تونسنة يخي حشاكم لقيت مارك دورسال يحكي هو كي تجي تشوف معادش تستغرب منهم حتى شي 
زدنا لص أخر وصلت ال TWT...لقيت محمود ياسين وقتلي هو في اللسي  وجاتني لحظة تأمل إلي شكيت في لحظة إلي مرناق معادش تخرج في سلعة باهية أما قلت يزي يا رجل ماتقول هل كلام 

شعلت واحد Légéres وواصلت المسيرة ... لقيت روحي في  بيت قعاد فتحي العيوني ولا قناة الزيتونة كما يحلو لبائعي المعدنوس تسميتها 
كهو كملت الثنية ووصلت إلى القناة ولات مثال يحتذى لدى France2 و CNN و غيرهم وإلي كل المؤسسات الإعلامية تسعى لتبادل الخبرات معاها ... لقيت بلاتو فيه زوز كراسي متع حجام (و لا نزيد عليكم كلمة ) واحد فارغ ولاخر قعد فيه الشيخ عبد الفتاح مورو و طفل جويد يتسومم عليه وقالو : " الشعب التونسي ... يتهمك بحرق باب سويقة " أنا أول مرة نشوف مورو وجهو أصفر وجاوب " أنا مانيش هوني وقتها صلي على النبي " 

كملت نتفرج في هل المقدم الجويد وهو يطوال ويقصار على الشيخ مورو ...سألو " كيفاش تفسر طرد تونس لسفير سوريا وقتلي لا فرنسا ولا أمريكا ولا حتى الدنمارك لم تفعل ذلك " (إلي فهم على الدنمارك يكلمني فيسع على التليفون ) مبعد كمل لعج عليه " هل ... الجزيرة هي ... قطر ؟؟ " وأنا نشوف في الشيخ مورو حالتو متعبة ...قلت هذي أقوى قناة منذ إنبعاث الأقمار الصناعية 
وفا برنامج "منك نسمع " متع سي الجويد ... تعدينا إلى برنامج قوي ياسر اسمو "من أنتم " قلت برا تبع السارق لباب الدار وتفرجت يخي طلعو يعديو في إصلاحية وعطاو الكلمة للمدير إلي لابس كسوة تقول ديركت Sans Mousse وهو يجلجل بعربية قحة على الإنجازات متاعو ... ومنها حطو قاعة السينما متع الإصلاحية إلي هي عبارة على بيت فيها بنك طويل قاعدين فوق 3 من الصغيرات يتفرج في رواحهم كي صورهم في قاعة الإعلامية ...قلت برجولية هاو  ضرب الصندي ولا لوح 

القناة الأعجوبة في عز الليل تعطينا طرح "الدنيا حكايات " إلي هو يثري المشهد الإعلامي في نوع البرامج إلي ينشرو في الصابون وانجم نأكدلكم إلي رزوقة طلع بعيد كل البعد عن المستوى متع أحببنا ...ما نسبقكمش بالحديث عاد مرة زوالية مع بنتها عمرها 13 عام تحكي على راجلها خلاها ومشى من غير نفقة وتبكي وتمخط حشاكم وإذ بمقدمة البرنامج تقول احنا بش نطلبو زوجك وصار هكاكة 
سي حبيبنا هز التليفون يخي قتلو المقدمة " أنا فلانة من برنامج الدنيا حكايات على قناة الجنوبية " يخي جاوبها " شنوا شنوا شكون...فما شان اسمها هكا ؟ " ما نحكلكمش عاد على الأخت في البلاتو وجها ولا Bleu Marine أما تشجعت وقتلو علاش خليت مرتك هكا مع   صغير مكش مستعرف بيه " ياخي جاوبها "  ماو عملت تحليل ADN وطلعت مش بنتي " يمشيش تقولو خلاتلو ولا بقاتلو وقتلو " إي عاود تحليل أخر " جوبها بكل ثقة في النفس " أيا فك على أمي ... تلعب بيه تحليل ADN انتي أيا بخاطرك  "  وعلق التليفون وحسب ما يشيرولي الزملاء في الحافلة أنا هذا المقطع مرشح في جائزة أحسن نص لجوائز الأوسكار وأن السيد تعقد كي شاف المقدمة ودخل لسبيتار الرازي بيت 351 وبجاه ربي طلو عليه راهو  في حالة  

بعد الليلة المشهودة هذي نحب نقول لناس إلي تقول ARTE في الليل لازم تكون متكيف بش تفهمها ...نحب نقلهم جربو الجنوبية تو تشوفو إلي لازم أعتى وأقوى أنواع المخدرات بش تفهمها 
و نحب نوجه رسالة للحكومة : Legalize It 

شالوم   

4 commentaires:

  1. وكان تنكحت زيدها لصّ ... خلي تزيد تتنكح !

    RépondreSupprimer
  2. تتشرف شركة المثالي جروب للنظافة الشاملة بالمنطقة الشرقية بتقدم شركة تنظيف منازل بالخبر والتي تقدم افضل خدمات تنظيف المنازل والشقق والفلل والمجالس والكنب والسجاد والموكيت بالاعتماد عليافضل الامكانيات الحديثة والعمالة الماهرة وخبرة عشرات السنوات بمجالات التنظيف لجميع اركان المنزل وكل مع يحيط به فمع شركة تنظيف بالخبر تستطيعون الحصول علي افضل جودة ممكنة لتنظيف المنازل بارخص الاسعار المثالية

    شركة تنظيف منازل بالخبر
    شركة تنظيف بالخبر

    RépondreSupprimer
  3. شركة تنظيف مسابح بالخبر تقدم لكم افضل خدمات تنظيف وصيانة وترميم المسابح بالخبر والدمام والمنطقة الشرقية فتقدم شركة المثالي جروب لتنظيف وصيانة المسابح بالخبر والدمام افضل خدماتها بالاستعانة بافضل وامهر العمالة واحدث التقنيات لتنظيف وصيانة وترميم وانشاء وتعقيم المسابح بالمنطقة الشرقية فلدينا

    شركة تنظيف مسابح بالدمام
    شركة تنظيف مسابح بالقطيف
    شركة صيانة مسابح بالقطيف


    كما توفر شركة المثالي جروب للنظافة الشاملة بالخبر افضل خدمات التنظيف الاخري والتي تقدمها بافضل جودة ممكنة وارخص الاسعار المثالية التي لا تتوفر الا مع شركة المثالي جروب للنظافة الشاملة بالخبر فنوفر جميع خدمات تنظيف المجالس والكنب والسجاد والموكيت والمفروشات بالخبر فمن خلال شركة تنظيف كنب بالخبر تستطيعون الحصول علي نظافة شاملة للكنب والمجالس والمفروشات بالخبر بالاضافة الي خدمات التنظيف الاخري للمطابخ والحمامات والمنازل والشقق والبيوت فلدينا افضل شركة تنظيف مطابخ بالخبر وكذلك افضل شركة تنظيف وصيانة مكيفات بالخبر فلدينا

    شركة تنظيف كنب بالخبر
    شركة تنظيف مطابخ بالخبر
    شركة تنظيف مكيفات بالخبر

    RépondreSupprimer
  4. نقدم لكم شركة المثالية للتنظيف بالاحساء الشركة الرائدة في تقديم جميع خدمات التنظيف الشاملة للمنازل والشقق والفلل والمجالس والكنب والسجاد والموكيت والمفروشات بجميع مدن ومحافظات المنطقة الشرقية بالمملكة العربية السعودية فتعد شركة المثالية للتنظيف بالاحساء افضل شركة تنظيف بالاحساء حيث تقوم بجميع خدماتها بالاعتماد علي كافة الادوات والاساليب والحديثة بالاضافة الي خبرة عشرات السنوات بمجالات التنظيف ومكافحة الحشرات ورش افضل انواع المبيدات الامتة والفعالة فلدينا شركة المثالية لمكافحة الحشرات بالاحساء والمتخصصة في مكافحة جميع انواع الحشرات وابادتها ابادة تامة بالضمان باستخدام اقوي انواع المبيدات الامنة والفعالة وذات الجودة الدقة العالية فتقدم ابادة الحشرات بافضل جودة وارخص الاسار فحقا هي الشركة المثالية للتنظيف بالاحساء فهي حقا افضل شركة تنظيف ومكافحة حشرات بالاحساء والجبيل وباقي محافظات المنطقة الشرقية بالمملكة العربية السعودية فلدينا شركة مكافحة حشرات بالجبيل المتخصصة بتقديم خدمات مكافحة الحشرات بالجبيل
    شركة مكافحة حشرات بالجبيل

    RépondreSupprimer