ربي إعاون إلي هاربين مل حيوان القذافي إلي يقتل في الليبية ...
برشا مصاروة وجنسيات أخرى من دول شقيقة وصديقة ويقول القيل بيما انو يد وحدة متسفقش لازم يجينا دعم من كل حدب و صوب
الألمان فاقوا ول فرنسيس يرصع في زلعات الدبلوماسية متاعهم ول انقليز الحاصل الغرب الكل جا باش يعاون...
إتوانسة بيدهم يعطيهم ألف صحة عاونوا لين الحليب فسد الدولة متاعنا عملت مجهودها بش تمنع اناس ملخطر متع المرض حاشاكم
اناس لكل فاقوا بلي الوضع دقيييق (كما يقول الغنوشي يذكرو بلخير) كان زوز وانا كل يوم عندي هكا شوية أمل وتو يعملوا حاجة باش يعاونوا ناس واحلين ويحبوا يبعدوا على ليبيا لكن شي وقررت إليوم باش نخو موقف منهم بكل حازم إي نعم بكل حزم خاطرهم ورو سقوطية ماشفتش كيفها قبل !!!
القذافي إلي ورى بالحق وجه حيواني يخليني نقول إلي بن علي كان باشكوتو قدام هل دكتاتور إلي عمرو مكان يعرف يتصرف وعمرو ما
كان يعرف يلبس...ناس ليبيا شدو صحيح ونشالله الخبر الباهي يجينا على قريب ونفرحو لكل ونوليو نعملوا عليكم نكت اخرين
كان اللوم عل قذافي واضح اللوم لاخر نهديه شخصياً للي يعيط بل وحدة العربية ول إسلامية على راسهم راشد الغنوشي
وقتلي ناس هربا مل موت ومل مرتزقة في ليبيا ووقتلي اناس مكدسة في راس جدير يعلم بيهم العالي ويني الدول العربية و الإسلامية؟؟؟
وينو خادم الحرمين ولا لهي يعوم في وسط الفلوس،وينهم جماعة الخليج والله لاهين بتنظيم كاس العالم لرمي الجلة أواسط؟؟
وينهي الأردن وويني لبنان وويني ديزير والا خايف بوتفليقة لا يولي إلعب قدام باب دارو؟؟؟
حتى غرام إنسانية ماعندهم تي أكثرشي من مصر بدها عندها الاف في تونس وتروح بيهم وحدة وحدة طلعوشي الاوروبيين حارصين أكثر
منا
ولا راس جدير مستعمرة أوروبية وانا مازلت مفيبليش؟؟!!!
يلي تحب تعملوا جيش عربي وتفشخو إسرائيل هي جتكم إجابة منكم فيكم هاو الحلم العربي مش زيزي ولي ركبوا علحدث بانو على حقيقتهم ووراو إلي ميخمو كان في رواحهم
كلمتي لخرة لل توانسة ونقوللكم إلي مش وقت الإنقسام ورهو إلي مش للقصبة تونسي ولي فالقبة تونسي زادة ونحبو تونس تشد ثنية الديمقراطية ونخرجوا إلي يحب يضرونا ويكرهونا على برا !!!
أيا شالوم
Aucun commentaire:
Enregistrer un commentaire