عنا برشة على هل تدوينة ...أكثر من شهر الحق متع ربي حاولت هكا نفهم أما بدون جدوى خاتر.....
الانتخابات ولات في أكتوبر
سي الباجي جاب فواد المبزع في وضعية تسلل
عنا ناس يصفقوا في خطاب وزير أول
احزابنا مايعرفوا كان يسبوا...مايعرفوش يحكموا
مايا جريبي تنقي في حواجبها
احزابنا يحبو يهزوا المدونين معاهم
فرحات راجحي خرج منها سلامات
جماعة إتصالات تونس يعملوا في برونزاج...ولا إضراب منعرفش
خميس بوبطان ولا مشهور
برنامج امنة بن جمعة نهار السبت...بدون تعليق
المحامي بن حسانة كيفو كي الحكم إزوز حموم
لميا سليم في كانال+
إلياس الغربي مازل مهمل مرتو ...مسكينة والله
سفيان بن حميدة الله وأعلم وينو
فما صفاقسي طلب "يا ترى يا فاتورة" فاتورة متعوا زوز دينارات
عنا مديدة على دكتاتور يجي على برا في عشية جمعة كما قال سمير لوصيف
أنس جابر تبدع
المشكلة في إسبانيا إلي ديمة فما انجازات رياضية بش يسكت الشعب
وأهوكة إلي يفهم حويجة ينورنا
شالوم
