نتفرج في نسمة اكا إنهار ريت ملاعبي كبير قاعد يحضر في روحو بش يمشي يحترف في الخارج ...اسمو وسام بن يحيى
كي ريتو يحكي تفكرت إلي عطاه للنادي الافريقي سنين وسنين وقلت هذا طفل عطا للفريق متاعوا أكثر ملي خذا
أنا كمحب للأحمر والأبيض وبرشا كيف حبوا وسام يقعد أما كهو بعد إلي عندو إدارة متعطيش للقائد متاعها إلي خرج من قلب الحديقة متع الافريقي إلي يستحق...حتى مباراة توديع مافماش كانوا أي لاعب خرج
كي ريتو يحكي جا في بالي ماتش الزملك والهدف إلي هو بركا ينجم يسجلوا...جا في بالي الاعوام إلي يكمل هداف ويهز فريق على ضهرو...عمرو ما حسب وعمرو مابخل علينا وديمة يعطي ما عندو بش يفرحنا
نقول عيب في رجل قعد سنين وهو ياخو 600 دينار حتى لين تحرك بش حسن الوضع
وسام عطا لل إفريقي أكثر ملي خذا....أنا حبيتو كي دل بيرو في جوفنتس ولا توتي في روما لاعب ولد النادي يكمل حياتو غادي ويولي أسطورة يعرفوها صغارنا إلي بش يلبسوا الاحمر والأبيض نهار اخر
حتى حد ماينجم يشكك في قيمة وسام بن يحيى كي لاعب ولا كا قائد...أنا حبيت كان يعملوا كي ميلان وينحيو مريول وسام
نشالله يوفقوا ربي في تركيا ونقلوا شكرا وسام !!!
شالوم
